لغات الحب الخامسة
توجد خمس لغات للحب مع شريك الحياة
و هذه اللغات هي :
التعبير عن الحب بالكلام
التعبير عن الحب بقضاء الوقت سويا
التعبير عن الحب بالهدايا
التعبير عن الحب بالخدمات كأن تقضي له عملا أو خدمة
التعبير عن الحب باللمس او اي شكل من التلامس.
كل منا لديه لغتين حب هما اللغتين الاساسيتان اللتان يستقبل بهم الحب و إذا عرض عليه الحب بلغة أخري غيرهاتين اللغتين فلن يستطيع استقباله بشكل مناسب.
ولكي تتعرف علي لغة الحب الخاصة بك ،إليك مجموعة من 30 جملة
قم باختيار جملة واحدة من كل جملتين تمثل أكثر ما تفضله في علاقات الزواج. (فكر جيدا قبل الإجابة )
بعد أن تتعرف على لغتي الحب الخاصتين بك شارك هذا مع شريك حياتك حتي تستطيعا التواصل معا باللغة المناسبة لكليكما.
1. ليها معني اكبر عندي لما .....
أ. لما حد بحبه يبعت لي جواب حب او رسالة حب او ايميل حب من غير سبب.
هـ. لما انا و شريك حياتي بنحضن بعض.
2. . ليها معني اكبر عندي لما .....
ب. لما انا و شريك حياتي بنقضي وقت لوحدنا مع بعض.
د. لما شريك حياتي بيساعدني في حاجة محتاجها او مهمة بالنسبة لي.
3. . ليها معني اكبر عندي لما .....
جـ. لما شريك حياتي بيديني هدية كتعبير عن حبنا لبعض.
ب. لما انا و شريك حياتي بنقضي وقت راحة مع بعض من غير ما حاجة تقطعنا.
4. . ليها معني اكبر عندي لما .....
د. لما شريك حياتي يساعدني في حاجة غير متوقعة زي انه يملا العربية بالبنزين او يشغل غسالة الهدوم.
هـ. لما انا و شريك حياتي بنلمس بعض.
5. ليها معني اكبر عندي لما .....
هـ. لما شريك حياتي بيحط ايديه حوالين ظهري لما بنكون بره.
جـ. لما شريك حياتي بيفاجئني بهدية.
6. ليها معني اكبر عندي لما .....
ب. لما بكون موجود حوالين شريك حياتي حتى لو مش بنعمل حاجة معينة.
هـ. لما بمسك ايدين شريك حياتي.
7. ليها معني اكبر عندي لما .....
جـ. لما شريك حياتي بيديني هدية.
أ. لما اسمع كلمة "احبك" من شريك حياتي.
8. ليها معني اكبر عندي لما .....
هـ. مجرد اني اقعد جنب شريك حياتي.
أ. لما شريك حياتي بيقول لي كلمة شكر من غير سبب.
9. ليها معني اكبر عندي لما .....
ب. الاقي الفرصة اني اخرج مع شريك حياتي.
جـ. شريك حياتي يجيب لي هدايا صغيرة غير متوقعة.
10. ليها معني اكبر عندي لما .....
أ. لما شريك حياتي يقول لي انه "فخور بيا"
دـ. لما شريك حياتي يساعدني في اني اعمل حاجة ورايا.
11. ليها معني اكبر عندي لما .....
ب. لما انا و شريك حياتي نعمل حاجات بنحبها مع بعض.
أ. لما اسمع كلمات تشجيع من شريك حياتي.
12. ليها معني اكبر عندي لما .....
د. لما شريك حياتي بيعمل فعلا حاجات او مشاوير عشان خاطري بدل ما بس يقول انه هيعمل حاجات حلوة عشاني و ميعملهاش.
هـ. لما احضن شريك حياتي و احسن انه احنا متصلين ببعض.
13. ليها معني اكبر عندي لما .....
أ. لما اسمع كلاممن شريك حياتي فيه مدح او يعدد فيه مميزاتي .
جـ. لما شريك حياتي يدي لي هدية او حاجة بتحسسني انه كان بيفكر فيا.
14. ليها معني اكبر عندي لما .....
ب. لما اقدر بس اني اكون قاعد حوالين شريك حياتي.
هـ. لما شريك حياتي يدلك لي ظهري او يعمل لي مساج.
15. ليها معني اكبر عندي لما .....
أ. لما شريك حياتي يكون رد فعله ايجابي لما اقول له عن حاجة انا حققتها.
د. لما شريك حياتي يعمل عشان خاطري مشوار او حاجة انا عارف انه مش بيحبها و تقيلة على قلبه.
16. ليها معني اكبر عندي لما .....
هـ. لما انا و شريك حياتي بنقبل بعض.
ب. لما شريك حياتي بيكون متهم بحاجة انا بهتم بيها.
17. ليها معني اكبر عندي لما .....
د. لما شريك حياتي بيشتغل معايا على مشروع لازم عليا اني اسلمه.
جـ. لما شريك حياتي يدي لي هدية مثيرة.
18. ليها معني اكبر عندي لما .....
أ. لما شريك حياتي قال لي انه عجابه حاجة في شكلي او لبسي.
ب. لما شريك حياتي بيسمعني و يديني من وقته و يتفهم مشاعري.
19. ليها معني اكبر عندي لما .....
هـ. لما انا و شريك حياتي بنلمس بعض بطريقة محترمة في مكان عام.
د. لما شريك حياتي يعرض انه يعمل حاجة مهمة طلبتها منه.
20. ليها معني اكبر عندي لما .....
د. لما شريك حياتي لما يعمل مسؤليات اكتر شوية من اللي اتفقنا عليها او اقسمنها بينا سواء مساعدة جوه البيت او يتشغل شغل زيادة و غيره.
جـ. لما شريك حياتي يجيب لي هدية انا عارفه انه تعب فيها و فكر كتير عشان يلاقي حاجة انا بحبها.
21. ليها معني اكبر عندي لما .....
ب. شريك حياتي مش بيبص على الموبيل و تليفونات اللي جات له و احنا بنكلم مع بعض.
د. شريك حياتي بيعمل حاجات او مشاوير مش مضطر يعملها عشان يخفف الضغط اللي عليا.
22. ليها معني اكبر عندي لما .....
جـ. انا مستنية ان شريك حياتي يفاجئني برحلة حلوة نقضيها بع بعض كهدية منه ليا.
أ. انا بسمع من شريك حياتي كتير "انه بيقدرني"
23. ليها معني اكبر عندي لما .....
جـ. شريك حياتي جاب لي هدية بعد لما رجع من سفر سافره من غيري.
د. شريك حياتي ممكن يعمل بالنيابة عني حاجة انا كان عليا اني اعملها او من مسؤلياتي عشان يقلل التوتر اللي ممكن يكون عندي.
24.ليها معني اكبر عندي لما .....
ب. شريك حياتي مش بيقطعني و انا بحكي له عن حاجة.
جـ. ان احنا ندي بعض هدايا حاجة اساسية في علاقتنا.
25. ليها معني اكبر عندي لما .....
د. شريك حياتي بيساعدني لما بيحس اني مجهد.
ب. لما انا و شريك حياتي بنروح حتة و نقضي وقت حلو مع بعض.
26. ليها معني اكبر عندي لما .....
هـ. لما انا و شريك حياتي نمارس العلاقة الجنسية.
جـ. لما شريك حياتي يجيب ليا هدية صغيرة فكر يجبها لي و هو مشغول في حياته اليومية.
27. ليها معني اكبر عندي لما .....
أ. لما شريك حياتي بيقول حاجة مشجعة ليا.
ب. لما اقضي وقت مع شريك حياتي بعمل حاجة او هواية احنا الاتنين بنحبها.
28. ليها معني اكبر عندي لما .....
جـ. شريك حياتي يجيب ليا هدية بسيطة كدليل على تقديره ليا.
هـ. لما انا و شريك حياتي بنلمس بعض كتيير خلال يومنا العادي.
29. ليها معني اكبر عندي لما .....
د. لما شريك حياتي بيساعدني بالذات لو انا عارف انه مشغول.
أ. لما شريك حياتي بيقول لي انه "بيقدرني"
30. ليها معني اكبر عندي لما .....
هـ. لما انا و شريك حياتي نحضن بعض بعد ما كنا بعاد عن بعض فترة.
أ. لما شريك حياتي يقول لي انا مهمة بالنسبة له او ليها قد ايه.
دلوقتي عد كام مرة اخترت حرف من الحروف الاتية و اعلي عددين هيمثلوا لغاتين الحب الخاصة بك ... شارك ده مع شريك حياتك عشان تقدروا تفهموا بعض اكتر و خليه هو كمان يجواب استمارة تانية و اعرف اعلى لغتين حب بالنسبة له:
بعد ما خلصت الجمل جمع الاجابات:
أ. __________ التعبير عن الحب بالكلام
ب. ـــــــــــــــــــــــــــ التعبير عن الحب بان احتا نقضي وقت حلو مع بعض
جـ. ــــــــــــــــــــــــ التعبير عن الحب بالهدايا
د.ــــــــــــــــــــــــــــ التعبير عن الحب بالخدمات و عمل المشاوير
هـ. _________ التعبير عن الحب باللمس المادي او اي شكل من التلامس
عندما تتعرف أنت وشريكك علي لغات الحب الخاصة بكما ستستطيعان التواصل سويا بشكل افضل وتصبح حياتكم أكثر سعادة وبالتالي أكثر صحة
دمتم بصحة
