فوائد الموز لسه ما خلصتش
لو عايز تحمي قلبك وتقلل من فرص إصابتك بأمراض القلب أو قصور الشرايين
يبقي لازم تخلي الموز من نظامك الغذائي اليومي ولا يقل عن موزتين يومياً زي ما اتفقنا
ولو عندك مشاكل هضم بمعدتك أو شعور بعدم الراحة
راحتك في وجبة تستخدم عالمياً والمكون الأساسي فيها هو الموز اسمها برات وبتتكون من الموز والأرز وعصير التفاح وعيش التوست
rice, apple sauce, toast,banana(BRAT)
وتعتبر الوجبة ده من أسهل الوجبات في الهضم
وهتحس بتحسن كبير في معدتك لو حافظت علي أكلها لأنها بتنظم وظيفة الجهاز الهضمي بشكل كبير .
ودلوقتي نتكلم عن حاجة مهمة أوي واتسألنا كتير عليها
هل فيه خطر من السكر الموجود في الموز ؟
علشان نجاوب علي السؤال ده لازم نعرف أن السكر الصناعي خطر ولازم نبعد عنه وده هنتكلم عنه بالتفصيل الفترة الجاية
لكن السكر الموجود في الموز سكر طبيعي بياخد وقته لغاية ما يتهضم ويدخل للدورة الدموية غير السكر الأبيض الي ليدخل للدورة الدموية بشكل مباشر ويهدد برفع مستويات السكر
بالإضافة كمان لأن الموز بيحتوي علي الألياف مع السكر
الي بتساعد علي الحفاظ علي توازن مستويات السكر في الدم
يعني ممكن تأكل موزتين يومياً وما تقلقش من السكر
وخلينا نتفق علي قاعدة صحية أن الاعتدال في أي أكل هو أساس الحصول على الفائدة الكاملة منه
فبالرغم من فوائد الموز الكتيييييييييرة الي اتكلمنا عليها إلا أن الزيادة من أكله ممكن تكون مضرة
خاصة مع مرضي القلب والسكر
ويفضل أن يتناولوا موزة واحدة فقط في اليوم
نتمني يكون المقال عجبكم
وانتظرونا مع فوائد تانية كتير هتفرق في صحتكم أكتر
#دمتم_بصحة
